Papur newydd Cymraeg wythnosol. Sefydlwyd yng Nghaernarfon yn 1855, gan James Rees fel newyddiadur Rhyddfrydol. Yr oedd iddo gylchrediad helaeth yn siroedd Môn ac Arfon. Rhoddwyd lle amlwg i lenyddiaeth yn ei golofnau a bu rhai o lenorion amlyca'r cyfnod fel William Lewis Lewis (Llew Llwyfo, 1831-1901), Richard Hughes Williams (Dic Tryfan, 1878?-1919) a T. Gwynn Jones (1871-1949) yn rhan o'i staff. Ymhlith ei olygyddion bu Robert John Rowlands (Meuryn, 1880-1967), Owen Picton Davies (1882-1970), John James Hughes (Alfardd, 1842-1875) a Daniel Rees (1855-1931). Yn 1937 fe'i unwyd â'r 'Genedl Cymreig' i ffurfio'r 'Herald Cymraeg a'r genedl' (1937- ). Teitlau cysylltiol: Herald Cymraeg a'r genedl (1937- ).

Gwylio manylion cyfan